Tum kaisi mohabbat karte ho ??

Tum jab bhi ghar par aatey ho,

Aur sab se baatein karte ho,
Main aut se parde ki janan,
Bas tum ko dekhti rehti hun!! ♡

Ik tum ko dekhne ki khatir,
Main kitni pagal hoti hun,
Main aisi mohabat karti hun,
Tum kaisi mohabbat karte ho?? ♡

Jab darwaze par dastak ho,
Ya ghanti phone ki bajti ho,
Main chor k sab kuch bhagti hun,
Aur tum ko jo na paoon toh,
Ji bhar k ronay lagti hun,
Main aisi mohabbat karti hun,
Tum kaisi mohabbat karte ho?? ♡

Mehfil main kahein bhi jana ho,
Kapron ka selection karna ho,
Rang bohat se samne bikhre hon,
Uss rang pe dil aa jata hai,
Jo rang k tum ko bhata hai,
Main aisi mohabbat karti hun,
Tum kaisi mohabbat karte ho?? ♡

Rozana apne college main,
Kisi aur ka lecture sunte hue,
Ya break k khali ghante main,
Sakhiyon se baatein karte hue,
Meray dhiyan main tum aa jate ho, ♡

MAin, main nahin rehti,
Phir jaana main tum main gum ho jati hun,
Bas khawabon main kho jati hun,
Unn aankhon main kho jati hun,
Main aisi mohabbat karti hun,
Tum kaisi mohabbat karte ho?? ♡

Jis chehre par bhi Nigah pare,
Har chehra tum sa lagta hai,
Woh sham ho ya ke dhoop samay,
Sab kitna bhala sa lagta hai, ♡

Jane ye kaisa nasha hai garmi ka,
Tapta mousam bhi jaray ka, maheena lagta hai,
Main aisi mohabbat karti hun,
Tum kaisi mohabbat karte ho?? ♡

Tum jab bhi samne aate ho,
Main tum se sunna chahti hun,
Kash kabhi tum ye keh do,
Tum mujh say mohabbat karte ho!!
Tum mujh ko bohat hi chahte ho!! ♡

Lekin jane tum kyun chup ho,
Yeh soch k dil ghabrata hai,
Aisa to nahin hai na jana,
Sirf meri nazar ka dhoka ho?? ♡

Tum ne mujh ko chaha hi na ho,
Koi aur hi dil main rehta ho,
Main tum se poochna chahti hun,
Main tum se kehna chahti hun!! ♡

Lekin kuch pooch nahin sakti,
Mana ke mohabbat hai,
Phir bhi lab apne khol nahin sakti
Main larki hoon kaise keh doon?? ♡

Main kaisi mohabat karti hun,
Main tum se ye kaise puchoon,
Tum kaisi mohabbat karte ho??
Chup chap si main…ho jati hun,
Phir dil main apne kehti hun, ♡

Main aisi mohabbat karti hoon
Tum kaisi mohabbat karte ho ??